नेपालको अर्थतन्त्रका आधारहरूको छोटो वर्णन गर्नुहोस् |
|
Looks like you have not signed up yet. Please sign up now to view the answers without interruption. Redirecting in 60 seconds... |
| Ans : नेपालमा विभिन्न प्रकारको हावापानी, वनस्पति र धारातलीय स्वरूप पाइन्छ । यहाँ सालैभर विभिन्न प्रकारका बालीनालीहरू उत्पादन हुन्छ । पर्यटनको पनि यहाँ ठूलो सम्भावना छ । नेपालको अर्थतन्त्रका केही प्रमुख आधारहरू यी हुन् :
(क) कृषि:- नेपाल कृषि प्रधान देश हो । कृषिबाट खाद्यान्न आपूर्ति हुन्छ । कृषिले उद्योगलाई कोरा माल दिन्छ । कृषिले रोजगारी दिएको छ । नेपालको ग्रार्हस्थ उत्पादनको २७.६% योगदान कृषिबाट नै भएको छ । तर कृषि निर्वाहमुखी छ । हाल कृषिलाई आधुनिकीकरण गर्ने क्रम बढेको छ । कृषिलाई व्यवसायीकरण गरी, उन्नत मलबिउको प्रयोग, आधुनिक कृषि उपकरणको उपयोग गरी कृषि कार्यलाई उचित प्रोत्साहन दिएमा कृषिमा आत्मनिर्भरता प्राप्त गर्न सकिन्छ ।
(ख) उद्योग:- नेपालका उद्योगको विशेष विकास नभए पनि यस्को स्थान महत्त्वपूर्ण छ । उद्योगले दैनिक आवश्यकता पूरा गरेको छ । मझौला तथा ठूला उद्योगहरूको स्थापनाको क्रम बढ्दो छ । उद्योगले कैयौ युवालाई रोजगार दिएको छ। औद्योगिक उत्पादन बढाई औद्योगिक उत्पादन निर्यात गर्न सके विदेशी मुद्रा आर्जन गर्न सकिन्छ । हाल ऊर्जामूलक उद्योग, सिमेन्ट उद्योग र निर्माण उद्योगतर्फ लगानी बढेको देखिन्छ ।
(ग) पर्यटन:- नेपालमा विविध प्रकारको हावापानी, प्राकृतिक सुन्दरता, साहसिक पर्यटन, धार्मिक स्थान, ऐतिहासिक तथा पुरातात्विक स्थानहरू प्रशस्त भएकाले पर्यटन उद्योगको विकासको सम्भावना बढी छ । नेपालमा वार्षिक २५ लाख विदेशी पर्यटक भित्र्याउने लक्ष्यका साथ काम भइरहेको छ । हाल पर्यटनले पनि सैकडौं युवालाई रोजगार दिएको छ । यहाँका पुरातात्विक महत्त्वका स्थानहरू, कलाकृति, सांस्कृतिक विविधता तथा प्राकृतिक सुन्दरताको विदेशमा प्रचारप्रसार गर्न सके पर्यटन उद्योगको विकासमा टेवा पुग्ला ।
(घ) जलस्रोत:- नेपालको अर्थतन्त्रको महत्त्वपूर्ण आधार जलस्रोत हो । नेपालमा हिमालबाट बगेर आउने नदीहरू धेरै छन् । यी नदीहरूबाट करिब ४२००० मेगावाट विद्युत उत्पादन गर्न सकिन्छ । हालसम्म करिब १०८३ मेगावाट मात्र विद्युत् उत्पादन गरिएको छ । नेपालमा जलविद्युतको उत्पादन गर्न सके छिमेकी मुलुकहरूमा निर्यात गरी आय आर्जन गर्न सकिन्छ । नेपालका नदीहरूको पानी तराईका उर्वरभूमि सिंचाइ गरी खाद्यबाली तथा नगदे बालीको उत्पादन बढाउन सकिन्छ ।
(ङ) मानव संसाधन:- देशको संसाधनको उपयोग मानव संसाधनबाट हुन्छ । नेपालका सक्रिय जनसङ्ख्या बढी भएकोले यसको समुचित उपयोग गर्न सके देशको विकास छिट्टै हुन सक्छ । देशले उपलब्ध • मानव संसाधनको सदुपयोग गर्न राज्यले स्वदेशभित्र नै रोजगारीको अवसर सिर्जना गर्नुपर्छ । यसका लागि प्राविधिक शिक्षामा जोड़, कृषिको आधुनिकीकरण, उद्योगको विस्तार, सेवा क्षेत्रको विस्तार तथा पर्यटनको विस्तार गर्नुपर्छ । देशमा उपलब्ध जनशक्तिलाई शिक्षा, व्यवसायिक सिप, पूँजी र उद्यमशीलताको माध्यमबाट देशमै सक्रिय बनाउने वातावरण बनाउनुपर्छ ।
|
|
Did you find this answer useful?
Then Register Now to view other answers easily. |