नवपाषाण युग (Neolithic period) लाई क्रान्तिकारी युग भनिन्छ । आफ्नो तर्कसहित पुष्टि गर्नुहोस् । |
|
Looks like you have not signed up yet. Please sign up now to view the answers without interruption. Redirecting in 60 seconds... |
| Ans : नवपाषाण युग मध्यपाषण युगभन्दा केही बढी विकसित थियो । यो कालखण्डमा ढुङ्गाकै औंजार बनाइए तापनि केही बढी पालिस गरेर चिल्लो बनाइएको हुन्थ्यो । चेतनाको स्तर बढ्दै गएकोले ढुङ्गाका पनि परिस्कृत औँजारहरूको निर्माणले कृषि विकासलाई सघाउ पुर्यायो । कृषि कार्यले गर्दा मानिसलाई अब आफूले परिश्रम गरेको ठाउँलाई रेखदेख गर्न बाध्य बनायो । मानिसले घुमन्ते र सिकारी जीवनको सट्टा स्थायी बसोबास गर्ने कार्य सुरु गरे । यसबाट मानिसलाई पशुपालनमा पनि प्रेरणा दियो । कृषिका लागि श्रम साधन जुटाउन तथा मासुजन्य खाद्य पदार्थको सुनिश्चितताका लागि जङ्गली जनावरलाई समातेर पाल्ने क्रम सुरु गरिएको थियो । कपडा लगाउने बानीको विकास भयो । खेतीका लागि बढी जग्गा ओगट्ने क्रमले व्यक्तिगत सम्पत्तिको महत्त्व बढायो । समाजमा धार्मिक संस्कार संस्थागत हुँदै गए । राजनैतिक चेतनाको विकासले राजा रजौटाको शासन पद्धतिको विकास भयो । यसरी यो कालखण्डमा मानिसहरु घुमन्ते र शिकारी जीवनबाट स्थायी बसोबास गरी कृषि तथा पशुपालन गर्ने कार्य गरी जीवनशैली परिवर्तन गरेकाले यस युगलाई क्रान्तिकारी युग भनिएको हो ।
|
|
Did you find this answer useful?
Then Register Now to view other answers easily. |